Stemmir ekki við það sem Davíð sagði

Mbl.is hefur eftir forsætisráðherra að skellurinn sem geti lent á ríkinu vegna bankahrunsins gæti orðið um 1.100 milljarðar króna, eða 85% af landsframleiðslu.

Þetta rímar ekki við það sem Davíð Oddsson seðlabankastjóri sagði í Kastljósinu. Hann var góður með sig, sagði að við mundum ekki borga skuldir óreiðumanna í útlöndum. Hann sagði að hér yrði allt skínandi fínt þegar búið væri að taka til í bankakerfinu. Líklega yrði ástandið betra.

Halló! Ef hrun bankanna leiðir til þess að þjóðin situr uppi með 85% landsframleiðslunnar í skuld, hvað var Davíð þá að fara?

85% af vergri landsframleiðslu

Athugasemdir

[Sigurður Haukur Gíslason, 30.10.2008 kl. 11:58]

Svo að lýðurinn geri ekki uppreisn þá er honum sagt að hann þurfi ekki að borga. Ríkið þurfi bara að taka lán til að koma gjaldeyrismálum í gang og það er borgað til baka af skattfé sem ...... ja einhver borgar??

[Leifur H, 30.10.2008 kl. 12:02]

Við verðum bara að setja upp gúmmíhanskana, eins og Agnes Bragadóttir bendir á.

[Kalli (IP-tala skráð) 30.10.2008 kl. 12:26]

Þetta eru ekki venjulegar skuldir.

Þessi lán verða að mestu leiti notuð sem gjaldeyrisvarasjóður, þ.e.a.s stungið beint í ríkisverðbréf í US eða Evrópu og nýtt til að lagfæra krónuna ef til þarf.

Skuldir bankanna voru 12x þjóðarframleiðslan, þær eru núna horfnar (nema mögulega Icesave).

[Sigurður Haukur Gíslason, 30.10.2008 kl. 12:46]

Eftir stendur Kalli, að það þarf að borga af þessu láni og hver á að gera það?

[Kalli (IP-tala skráð) 30.10.2008 kl. 12:52]

Að mestu leiti verður það lánið sjálft.

Það er verið að fylla á gjaldeyrisvarasjóðinn.

[Sigurður Haukur Gíslason, 30.10.2008 kl. 13:31]

Ha lánið sjálft? Þannig að lántakan hefur engin áhrif á almenning?

[Kalli (IP-tala skráð) 30.10.2008 kl. 13:47]

Á jákvæðan hátt vonandi að því leitinu til að gengi krónunnar hækkar.  

Auðvitað þarf að borga lánsvextina en á móti koma vextir af þeim skuldabréfum sem verða keypt fyrir lánið.

Fólk má ekki misskilja þessa lánveitingu sem eitthvað neyslulán fyrir þjóðina.  Það er það ekki.

[Guðmundur Ásgeirsson, 30.10.2008 kl. 14:31]

Davíð var kominn út á tún þegar hann sagði þetta og er búinn að vera þar síðan...

[Leifur H, 30.10.2008 kl. 14:32]

En orðrétt segir í frétt mbl.is: "Geir Haarde sagði ... að kostnaður sem ríkið þarf að taka á sig vegna þrots bankanna, gæti numið allt að 85% af vergri landsframleiðslu."

Þarna talar hann ekki um lántökur, heldur kostnað. Annaðhvort veit hann ekki hvað hann er að tala um, eða að Mogginn hefur rangt eftir.

 En ég hallast að því að Kalli hafi rétt fyrir sér, að þarna sé hann að tala um lánin sem leitað er eftir úti um allan heim. Engu að síður þarf að borga þau til baka, en vonandi standa þau undir sér sjálf.