Vit í þessu hjá Bretunum

Hér heima hefur bara verið talað og talað í nær þrjár vikur. Bretarnir eru ekki að neinu hangsi, heldur drífa í að koma eignum breskra dótturfélaga Landsbankans í verð - því þannig byrja peningar að koma inn til að mæta tapi vegna Icesave. Það er skynsamlegt af Bretunum að gera þetta hratt og örugglega, meðan einhver verðmæti eru í félögunum. Það skiptir líka engu máli hver kaupandinn er - hvort hann er Björgólfur Thor eða einhver annar. Væntanlega hefur enginn annar boðið betur og það er bara hið besta mál.

Bretar selja eignir Landsbanka

Athugasemdir

[Eiríkur (IP-tala skráð) 24.10.2008 kl. 15:30]

Besta mál?

Ef þér finnst þetta hið besta mál að þá ertu svipað siðlaus og þessir útrásarvíkingar.

[Guðfinnur (IP-tala skráð) 24.10.2008 kl. 15:41]

Ef þér þykir  þetta besta mál ertu þá ekki á leiðinni að flytja til Bretlands

[Leifur H, 24.10.2008 kl. 16:21]

Auðvitað er það besta mál að koma eignum Landsbankans í Bretlandi í verð sem allra fyrst. Eru ekki allir að tala um að með hverjum deginum sem líður, þá rýrni þessar eignir. Eftir hverju þurfa menn að bíða? Landsbankinn (gamli) er ábyrgur fyrir Icesave reikningunum og það að selja eignir hans í Bretlandi kemur upp í þá skuld við breska sparifjáreigendur.

Hvað er svona siðlaust við að koma þessum eignum í verð? Er siðleysið það að Björgólfur Thor kaupir þær? Er ekki bara ágætt að hann leggi til peninga í þessu skyni?Er kannski betra að einhver annar komi með þessa peninga?