Hvers vegna fékk Björgvin ekkert að vita?

Ingibjörg Sólrún segir að á þessu ári hafi verið haldnir sex fundir með Seðlabankanum til að ræða hina alvarlegu stöðu bankanna.

Svo virðist sem Björgvin G. Sigurðsson, ráðherra bankamála á Íslandi, hafi ekki verið á neinum þessara funda - eða þá að hann hefur kosið að taka þátt í blekkingaleiknum sem átti sér stað á þessum tíma:

Þann 5. ágúst síðastliðinn skrifaði Björgvin þetta m.a. á vefsíðu sína bjorgvin.is (sem nú er búið að loka)

Auðvitað skortir ekki úrtölur eða þá sem telja sig knúna til að tala útrás og fjárfestingarævintýri Íslendinga erlendis niður. Þannig eru nú hlutirnir einu sinni og því er það mikilvægt nú þegar hægir tímabundið á útrásinni vegna þrenginga á erlendum mörkuðum að halda frábærum árangri þessara flaggskipa atvinnulífsins okkar ríkulega til haga. Þetta eru okkar voldugustu fyrirtæki og nokkrar af helstu undirstöðum efnahagskerfis okkar til lengri tíma.

Og hann skrifaði líka þetta - tær snilld, svona eftir á að hyggja:

Aðstoðarmenn Nordea í Finnlandi, Markku Pohojla, gefur til dæmis opinberlega í skyn að íslensku bankarnir munu fljótlega lenda í miklum vandræðum. Hann gengur jafnvel svo langt að gera því skóna að íslensku bankarnir verði ekki til staðar eftir nokkra mánuði. Þessi stóru orð finnska bankamannsins byggja ekki á neinni greiningu á íslensku bönkunum. Nýleg ítarleg úttekt á stöðu þeirra og íslenska fjármálakerfisins alls, eftir þá Friðrik Má Baldursson og Richard Portes, gefur til að mynda ástæðu til að ætla að staðan tiltölulega góð í alþjóðlegu tilliti.

Vááááá - já, trúið því, ráðherra bankamála skrifaði þetta minna en tveimur mánuðum áður en allt fór í klessu.

6 fundir með seðlabankastjórn

Athugasemdir

[Jón Ólafur Vilhjálmsson, 18.11.2008 kl. 21:33]

Þetta er allt undarlegt og er nokkur hissa á því að enginn hafi viljað lána okkur við fórum ekki að neinum ráðleggingum. Mér fyrnst það ekki skrítið. Afneitunin alger

[101 (IP-tala skráð) 18.11.2008 kl. 21:39]

Svei mér þá.  Þetta var betra þegar Sambandsmerkið sást úti um allt að ég nú ekki tali um KEA.

Lengi getur vont versnað og orðið ennþá verra.  

[Offi (IP-tala skráð) 18.11.2008 kl. 22:34]

Já, magnað hvernig samfylkingarliðið firrir sig ábyrgð og vitneskju, en þeim munar samt ekki um að fara í atkvæðasöfnun á kostnað eins manns, af því að þeir finna að það er undiralda gegn honum. Ljóta djöfuls pakkið, ef þú spyrð mig. Eins og gárungarnir segja: Það er búið að taka heilann úr ISG og hún breyttist ekki. Eina sem kom læknunum á óvart var að það skyldi finnast eitthvað góðkynja þarna!

 En fyrst þú ert að vitna í Björgvin... ég var að skoða hann á http://web.archive.org/web/20080130000701/http://bjorgvin.is/

Hann segir í 4. pistli að ofan:

Sterk staða íslenskra banka
Undanfarið hefur gefið á bátinn í fjármálaheiminum í kjölfar lausafjárkreppu erlendis og undirmálslána í Bandaríkjunum. Í því umróti og lækkunar á mörkuðum hafa sjónir beinst að stöðu íslensku bankanna sem hafa á liðnum árum fjárfest af kappi erlendis og hefur umfang þeirra margfaldast á nokkrum árum. Staða þeirra er hinsvegar traust. Þeir standa vel og er lausafjárstaða þeirra prýðileg og fjármögnun þeirra allra lokið til lengri tíma.

Já... hann var með á nótunum!